Bo día,

 

Achegámosvos o noso resumo da última Mesa Xeral de Negociación (MXN) do pasado 14 de decembro con só un punto para tratar:

Previsión orzamentaria de gastos de persoal e cadro de persoal para o exercicio do 2017.

 

Na comunicación da convocatoria enviáronnos o cadro de persoal para o próximo ano no que pasamos de 1444 a 1437 traballadores, polo que nos explicaron e polo que puidemos comprobar comparando co do 2016, o colectivo máis afectado negativamente é o de auxiliar administrativo con 14 efectivos menos para o 2017 e ao mesmo tempo aumentan nos grupos superiores, coma neste correo vai o DOCUMENTO coas nosas notas, facede vos mesmos a valoración...

Nos informan que os salarios para o 2017 están orzamentados nas mesmas cantidades que para 2016, a única salvedade é o incremento da partida das axudas económicas nun 3,38%.

 

Volvemos a debater por enésima vez o agravio comparativo que existe nos descontos por baixa laboral entre a ED e a produtividade mensual, se ben foi algo resolto nunha pasada MXN fai anos, non se realizou por reparos do Interventor. Quedaron en darlle unha volta... Neste punto plantexáronnos cambiar os pagos da produtividade para que fora mensual debido aos problemas que tiñan administrativos, a isto contestamos que non temos inconveniente que se modifique.

 

Relacionado cos ORZAMENTOS, a CIG preguntou:

Sobre a Relación de Postos de Traballo(RPT), a CIG solicitou que se rematara dunha vez a negociación da RPT organizativa e abordar xa o anunciado concurso e de paso evitar a desorganización e descontento que están a xerar as comisións de servizo, novamente comezamos a debater coa Concelleira que se ben estabamos da cordo en que o procedemento para cubrir estas comisións de servizos eran adecuado,  non se poden convertir o que debería ser un sistema excepcional de provisión de postos, no sistema habitual.

 Sobre a RPT contestan que van a achegarnos a información en breve, coma esta promesa xa a escoitamos no pasado, para ir avanzando, solicitamos que deberíamos convocar unhas mesas técnicas para negociar as bases do Concurso de provisión de postos, algo que non pode levar moito tempo, pois partimos das bases do anterior que xa foron debatidas e aprobadas pola totalidade de sindicatos, ante esta petición da CIG, contestaron cunha convocatoria para o martes 20 de decembro.

 

Asemade desta información  vai o enlace da publicación da Oferta de Emprego Público 2016

Bo día,

o pasado xoves 29 de setembro recibimos por correo electrónico a listaxe de corbertura de postos na Relación de Postos de Traballo(RPT).

Logo de revisala e salvo erro ou omisión atopamos os seguintes datos a día da recepción desta información:

DOTACIÓN DA RPT: 2112 prazas das que 514 son vacantes puras = 1598 + 2 xefaturas provisionais =  fan un total de1600 traballadores.

Dos que non están adscritos definitivamente 354 deles nas seguines situacións:

Se ben destos 354 empregados municipais, hai 36 que teñen posto orixe, nesta RPT hai un total de 319 sen posto definitivo, casi un 20% da plantilla municipal.

Esta listaxe é o resultado das políticas dos anteriores gobernos municipais, de non poñer solución, este goberno municipal será tan responsable coma os anteriores.

 

Ligazón dun esquema da provisión de postos na administración pública. http://cigconcelloacoruna.com/images/PDF/PMH/provision.pdf

 

Esperemos que esta información fora do voso interese.

 

 

 

Bo día,

Achegámosvos o noso resumo do acontecido na Mesa Xeral de Negociación do mércores 21 de setembro cun único punto na orde do día, a tramitación da RPT á nova estrutura municipal.

RPT

Trasládannos novos cambios organizativos en:

Contratación: á proposta xeral de  todos os sindicatos de que si é xefatura debería ter persoal dependente o Goberno local decide dotal dun asistente de adm nivel 18 e un aux administrativo nivel 16.

Xustiza Social: Cambian un posto de T.M.Prog y Eval A2 por outro de Aux Adm C2. A CIG solicitou que se motive a creación de distintos postos mesma titulación e que non se singularicen.

Igualdade: Volven a traer esta área por afectar a Xustiza Social, pois hai posto prodentes desta última.

Tesourería: modifican algunhas AP1 por AP2, nós recordamos que polo própio goberno municipal que as valoracións serían obxeto dunha negoaciacion posterior e polo tanto deberia facerse ao mesmo tempo cos que estén na mesma situación, o GM contesta tamén que vaise facer noutros sitios...

Intervención: crease un posto novo de T.M. de fiscalización e de plataformas electrónicas A2 22 AG FR9 con ESPECIAL DEDICACIÓN. Outra vez o argumento para dar este complemento volve a ser o de que outros postos similares en Subgrupo e complemento de destino e factor de responsabilidade o teñen, aínda que non todos. Manifestamos que non iamos a consentir a implantación de máis ED en postos novos sen non ían acompañados dunha total valoración do posto, cousa que non se está a facer na confección destes organigramas

Houbo un debate sobre a valoración específica de determinados cursos de formación complementaria para postos concretos, a nosas posición é que todos os curso sexan valorados da mesma maneira para evitar que o acceso aos mesmo poda determinar o resultado dos concursos de adscrición. En todo caso si se considera que esta formación específica é necesaria debería ser o obrigatoria para todos aqueles que ocupen estes postos, inda que se lles forme despois de acceder a eles.

En xeral recordamos que aparecen postos novos nas distintas áreas que precisan da obrigatoria valoración, a Concelleira contesta que xa o tiñan e informa que na fase da modificación da RPT en canto as valoracións entregaránnola  canto a teñan.

 

ROLDA DE INTERVENCIÓNS

Trasladamos a queixa sobre a falta do plus de transporte en postos que o precisan, algo que a CIG solicitara na anterior MXN do 16 de maio, a xefa de persoal contesta que o plus de locomoción está anticuado e que precisan revisar que postos realmente o necesitan pois actualmente algúns servizos dispoñen vehículos municipais. A CIG solicita en tanto non modifiquen o plus de transporte se lles dote ao persoal que se ten que trasladar, de tarxetas de transporte público.

Solicitamos que se trate as listas de agarda para cubrir postos por interinaxes, a Concelleira contestas que van están traballando nunhas normas de xestión das mesmas e que haberá unha comisión de seguimento na que estaremos os sindicatos.

Recordamos que fixemos unhas alegacións as bases das oposicións de Policías por non adecuarse á titulación necesaria para este posto, a xefa de Persoal contestou que as contestarían e que se ben se fixeron baseadas na normativa que decidiron procedente, están en principio dacordo na nosa petición. Cando contesten informarémosvos do resultado.

Recordamos que en febreiro deste ano solicitamos por rexistro a listaxe de adscritos non definitivamente, a xefa de Persoal contestou que xa a teñen actualizada e nola enviaría por correo electrónico en breve. Por fin e despois de moitos anos esperando parece que recibiremos  unha información blindada aos representantes sindicais. Sobre isto farémosvos chegar a nosa valoración.

Sobre a remunicipalización das bibliotecas, reprochamos a exclusión dos sindicatos na participación na  Comisión técnica, sobre esta cuestión iremos informándovos do que aconteza.

CCOO fala dos conserxes de colexio, para dicir que queren unha resposta sobre a súa proposta na organización deste colectivo. Temos que recordar que hai unhas semanas a CIG convocou unha asemblea deste colectivo coa participación de 2/3partes no que se acordou sen ningún voto encontra, a proposta aceptada por todos os sindicatos  agás CCOO

Sobre a aplicación da partición dos asuntos propios, a CISF comunica que no colectivo da Policía Local non se está aplicando. Dende persoal contestan que non teñen coñecemento e que esos temas non os levan eles, pero que preguntarán.

O GM pregunta polo regulamento de axudas económicas, comunicámoslle que no pleno da XP do próximo martes será tratada a aprobación definitiva do novo regulamento. E preguntados polas resolucións sobre as axudas por enfermidade, contestamos que estamos a espera de documentación por parte de persoal.

 

 

Achegámosvos o noso resumo da MXN do 16 de xuño coa seguinte orde do día

 

1.    Tramitación da Relación de Postos de Traballo.

2.    Oferta de emprego de público para o ano 2016.

3.    Asuntos Pendentes.(CIG)

4.    Rogos e preguntas.

 

Antes do comezo da Mesa, reprochamos ao Goberno Municipal que nos tivemos que enterar da intención da Remunicipalización do servizo de Bibliotecas pola prensa.

 

Comezamos polo punto 3 na que a CIG presentou anteriormente os seguintes puntos:

 

 

1. criterios aplicables as sentenzas de despido improcedente. A Concelleira explicou que readmitían aos que consideraban que ocupaban postos estruturais e non readmitían aos que formaban parte de programas concretos.

2. criterios para a concesión das Comisión de Servizos na Policía. Informaron de o criterio actual é de tramitar todas as que teñan informe favorable, que si isto crea algún tipo de problema daríanlle unha volta.

3.    Aclaracións sobre permisos retribuídos en caso de enfermidades e xustificación de acompañamento médica e a obrigatoriedade de fichar.Acordouse  determinar cal vai ser o medio para poñer en coñecemento do persoal as directrices e resto de normas de carácter interno co fin de garantir que a información chegue á totalidade do persoal municipal. Ao respecto da obrigatoriedade de fichar nos supostos de acompañamento dun familiar a consultas médicas acordouse eximir desa obriga ao persoal cando a hora da cita ou a hora de remate desta se encontre dentro dun período de 90 minutos entre a hora de entrada ou saída do traballo.

4.    Listaxe de non adscritos definitivamente e de vacantes. A Concelleira dixo que están preparando a listaxe e que nola facilitarán actualizada cada 3 meses, despois de moitos anos solicitando esta información parece ser que agora vai, esperemos que non se demore.

5.    A publicación da instrución pola que se chama da listaxe de interinos.Sobre este tema quedou claro que non existen directrices nin normas escritas, que o sistema se fundamenta en acordos de mesa, quedouse en que se  redactará  unha proposta e se fará pública xunto coas listas e a súa evolución.

6.    Aclaracións sobre as responsabilidades dos Conserxes de Colexios  ao respecto do alumnado.Sobre isto dixéronnos que convocarán una Mesa Técnica de Conserxes de Colexios para aclarar este punto e os que quedaron adiados na anterior Mesa Técnica(xornada, uniformidade e funcións). Recordámoslle á concelleira que isto é unha cuestión entre O Concello e os directores do Colexio que son os máximos responsables respecto ao alumnado.

7.    Publicación da instrución para partición de 3 asuntos particulares e que foi aprobada en MXN. Informáronnos de que a publicarian en breve (está en ALFRESCO)

 8.    Transporte de persoal de se ten que desprazar entre centros. Advertimos de que algún posto non se estaba a compensar nin con tarxeta de Bus nin co pago de compensación por utilización de vehículo propio, ao que contestaron que a xustificación destas compensación era responsabilidade das xefaturas de cada servizo.

Punto 1 RPT:Ao respecto desto, coma sempre informámosvos das modificacións que presentan por servizos, son Documentos que non publicamos pois aínda se están a negociar e non modifican á valoración dos postos de traballo, en todo caso algún posto que cambia xerarquicamente e algunha supresión ou creación dun posto(neste caso cando se aprobe definitivamente esixiremos a súa valoración)

   PROPOSTAS RPT DE:

     Persoal, Xestión Prioritaria: en ambos, cambio organizativo dos Xestores Económicos que pasan a Oficina Orzamentaria.

     Museos Científicos:  aumento dun posto de Aux Proxección(5) Supresión do posto de Recepcionista.Traslados dun Coord e TM Desa dende  Desarrollo e Activ.Creación dun posto de Veterinario por sentenza xudicial.

     S.E.I.S.:Un Sgto de Prev e Ext pasa a Sgto do SEIS para un total de 7.Traslado de Protecc Civil de dous postos de técnicos, un con titulación Arq Tec e outro de Maestro. Neste punto advertimos que cando abordemos a parte da valoración, deberíamos ter en conta que os Bombeiros e Cabos están encadrados nun subgrupo inferior aos Monitores de Protección Civil, algo ilóxico. A CIG tamén dixo que neste servizo poderíase crear a Escala Facultativa.

     Mobilidade: Presentaron novamente a organización deste servizo cun cambio organizativo no que o Xefe de Unidade que inicialmente estaba na Oficina Técnica agora estará en Circulación e Transporte.

     Seguridade Cidadán: Un posto de Aux Adm e outro de Adm que pasan a Of Tec de Seg Cid. E con respecto a este servizo temos que destacar e congratularnos (A pesar de que un sindicato non estaba conforme) coa supresión dun posto de Of de Prev Mun que pasa a Inspector e un posto de Policía de Prev que pasa a Policía Local, cando o anterior Goberno Municipal os creou xa denunciamos que non podían nomear postos de Policía por Libre Designación, polo que nesta ocasión alegrámonos da súa supresión.

Punto 2: aceptaron a proposta da CIG do incremento da taxa de reposición e que pasa de 9 efectivos a 10.

 

 

 

Esperamos que esta información fora do teu interese.

O secretario da Sección Sindical da CIG do Concello da Coruña

José María Calatayud Sánchez

Achegámosvos o resumo da Mesa Xeral de Negociación do pasado 7 de xuño coa seguinte orde do día:

1.    Oferta de emprego de público para o ano 2016.

2.    Tramitación da Relación de Postos de Traballo para a súa adaptación a nova estrutura política.

3.    Rogos e Preguntas.

 

Antes do inicio da MXN, reprochamos ao Goberno Municipal (GM) a tardanza sobre a data establecida e que non se abordasen os temas que quedaron pendentes na anterior mesa, a isto contestaron que estaban convocándonos coma mínimo unha vez ao mes e para eles agora a RPT era prioritaria, tamén manifestaron que o resto de cuestións serían abordadas coma tarde na próxima reunión do 15 de xuño.

 

1. Neste punto o GM sumou na tasa de reposición un  total de 9 funcionarios/as e que prioritariamente ocuparían postos nas novas Áreas de Participación, Igualdade e unha nova unidade en Xustiza Social. A  CIG propuso unha subida de 2 funcionarios máis (11total) argumentando que 3 baixas do 2015 correspondían a sectores na que a tasa podería chegar ao 100%, Policía, Bombeiros e Tesourería. Finalmente e despois  dun debate sobre a cantidade que legalmente poderíase convocar para a OPE deste ano, aprobouse estudar a posibilidade de incremento dun efectivo máis(10total) e ademais coa proposta da CIG de que se estudase a posibilidade de que nestas novas áreas incorporansen co argumento de formar parte dun novo proxecto polo que non computarían dentro da OPE 2016, isto é algo que quedaron en mirar.Tamén falamos da promoción interna da totalidade do subgrupo C2 ao C1 e a incidencia que tería na RPT, a CIG propuso estudar FORMA e CANTIDADES  para facer esta promoción a longo prazo.
2. Achegáronnos os borradores de RPT de Deportes, Educación e Mobilidade. Ao marxe dos cambios organizativos(aos que legalmente non temos nada que dicir) en Deportes destacar a promoción que se fai aos  4 socorristas de AP a C2 por estar estos  obrigados actualmente a ter un título habilitante, algo que non ocurreu no momento do acceso ao posto.  En  Educación salientar o aumento de efectivos no posto de Conserxe de Colexio que pasa de 33 a 35. En Mobilidade destacar que ante un cambio meramente organizativo, un sindicato expresou a seu malestar ao ser este unha modificación que causaría problemas, co argumento de problemas entre personas, algúns dos alí presentes manifestamos que a organización dunha administración non pode ser deseñada soamente ao gusto ou desgusto das persoas que a conformamos e no caso de problemas persoales ou laborais, existen cauces legais para resolvelos. Ao respecto das secretarías de Dirección, comunicáronnos que a partir de agora non colgarían das Áreas correspondentes e si directamente de Alcaldía pero sen dar máis explicacións ao respecto.
3. Neste punto dende a CIG solicitamos que se nos contestara as denuncias relacionadas cos Riscos Laborais nas das que o Departamento de Seguridade e Prevención só da resposta as veces, non sabendo se se está levando a cabo algunha xestión e no caso de facerse non levar un seguimento coma ocurreu recentemente cunha denuncia, advertindo a Concelleira que a partir de agora de non recibir unha resposta satisfactoria as nosas demandas en materia de Prevención de Riscos Laborais, acudiríamos á Inspección de Traballo, algo que xa fixemos con anteriores Gobernos Municipais.

Por parte de CCOO, pediuse que se retomaran as Mesas Técnicas pendentes, algo ao que nos sumamos.  O CSIF solicitou unha reunión para falar dunha baixa dun Policía que sufriu un accidente de traballo e para o que pediu máis atención neste caso.

 

Esperamos que esta información fora do teu interese.

O secretario da Sección Sindical da CIG do Concello da Coruña

José María Calatayud Sánchez

Bo día,

Achegámosvos o resumo da MXN mantida onte xoves 19 de maio coa seguinte orde do día:

1.   Estudo de posibles criterios - obxectivos produtividade non periódica.

2.     Instrución de tramitación de vacacións.

3.     Inicio do estudo das propostas de modificación da Relación de postos de traballo.

4.     Escrito da sección sindical UGT de data 13/05/2016 sobre: Servizo de Deportes (exceso de carga de traballo do persoal Municipal que non garante os descansos mínimos semanas, e 10 traballadores dunha empresa privada sen funcións), paga extra 2012 (compromiso de fixar unha data de pagamento), comisións de servizo (non utilizar esta vía para a cobertura provisional dos postos, creando falsas expectativas os traballadores), protocolo (criterios para sustitucións nas quendas)

5.     Rogos e Preguntas.

1) O Goberno Municipal achegounos unha proposta para pagar productividades (gratificacións)  ligada ao rendemento, actividade extraordinaria e interese ou iniciativa do funcionario/a que desempeña o seu traballo. Se ven é certo que a intención é regular as que se estaban a pagar, os criterios desta proposta para a CIG non poden ser, a carga de traballo, actividade extraordinaria, a mobilidade(sen especificar se é física ou de posto) volumen de expedientes, número de actos/eventos e de ningunha maneira a realización de funcións de superior categoría (algo do que algún sindicato estaba disposto a tratar). Despois de facerlle ver ao Goberno Municipal a imposibilidade de valorar esta productividade con estos criterios, a CIG solicitou que se traballara sobre 3 eixos e pendete de valoración dos mesmos:

• A diferenza de retribucións entre posto ocupado e as do posto das tarefas que se encomendan, garantizando que non se minorarán as retribucións.
• A lesividade causada pola  mobilidade funcional entre áreas
• A lesividade causada pola  mobilidade física entre centros do traballo.

 

2) Achegaron unha instrucción para o disfrute de permisos de vacacións cunha novidade promovida pola CIG con anterioridade que é a de o fraccionamento en horas dos asuntos particulares, logo dun debate, acordamos deixar para este ano 2016, o dereito a fraccionar 3 días de asuntos particulares nun período de tempo igual á metade da súa xornada ordinaria de traballo.

3) Este pola falta de documentación e de tempo quedou adiada para a próxima semana.

4) Neste punto o Goberno municipal informounos de que se volverán a estudar puntualmente os problemas deste servizo. Da posible data do cobro da parte da extra de 2012, según a previsión do Goberno municipal será en xuño. Sobre as Comisións de Servizo a CIG argumentou que costaba o mesmo traballo facer un concurso para Comisións de Servizos que para Adscripción definitiva, contestaron que era unha medida provisional. Quedou pendente redactar unha proposta para creación dunha nova lista de vodas, protocolo e criterios de xestión das mesmas.

5) Por mor doutras intervencións e sen tempo para tratalos, a CIG trasladou os seguintes puntos:

• Proposta de promocións do subgrupo C2 ao C1 na que engadimos na reunión unha cos mesmos criterios para o subgrupo A2 ao A1 mentres non exista título habilitante (preme aquí).
• Proposta de reclasificación ao Novo Grupo B (preme aquí).
• Proposta de fraccionamento de Asuntos Propios en horas (preme aquí).
• Reiteramos a petición da listaxe de non adscritos de maneira definitiva
• Solicitamos os criterios aplicables as sentenzas de despido improcedente, a uns se lles readmite e a outros se lles indemniza.
• Solicitamos información sobre os criterios para a concesión das Comisión de Servizos na Policía.
• Solicitamos que na próxima reunión sexa tratado o transporte do personal que se ten que desprazar entre centros de traballo.

 

un saúdo